Azərbaycan Respublikası Nazirlər Kabinetinin 2020-ci il 28 iyul tarixli 265 nömrəli qərarı riskli vergi ödəyicisi və riskli əməliyyatların meyarları ilə bağlıdır .
Bu qərarda elektron qaimə-faktura ilə bağlı qeyd olunmuşdur:
Riskli əməliyyatların meyarları 3.1.1
Vergi ödəyicilərinin təqdim etdiyi elektron qaimə-fakturalarda aldığı və ya idxal etdiyi mal çeşidlərindən fərqli mal çeşidlərinin göstərildiyi aşkar edildikdə; Azərbaycan Respublikası Nazirlər Kabinetini həmin qərarının izahı: Hüquqi və fiziki şəxslər malların (işlərin, xidmətlərin) təqdim edilməsi ilə bağlı Vergi Məcəlləsində nəzərdə tutulmuş qaydada elektron qaimə-faktura verirlər. Təqdim olunmuş elektron qaimə-fakturada qeyd edilən malların (işlərin, xidmətlərin) adları satış zamanı satılan müvafiq malların (işlərin, xidmətlərin) adları ilə uyğun olmalıdır. Hüquqi və fiziki şəxslər öz mal çeşidlərini təqdim edən zaman, alış zamanı qeyd olunan mal çeşidlərinin adları ilə uyğunsuzluq yaranarsa və bu uyğunsuzluq bir neçə dəfə təkrarlanarsa, artıq növbəti alış-satış əməliyyatları zamanı həmin şəxs öz mülkiyyətində olan malların sayını və hətta belə adlarını dəqiqliklə bilməkdə çətinlik çəkəcəkdir
Malların adlarının düzgün adlandırılmaması və ya mal çeşidlərinin rəsmi olmayaraq alınması, vergi ödəyicisinə sanksiya tətbiq olunmasına və riskli vergi ödəyicisinə çevrilməsinə səbəb ola bilər