“Jump xidməti” vergi ödəyicilərinin, müəssisə və təşkilatların bütün fəaliyyət növlərinin idarəetmə, mühasibat və maliyyə uçotunun təşkilində sıçrayış etməsi üçün göstərilən xidmətdir. Bu xidmət sahibkara, öz fəaliyyətinə, aktivlərinə və maliyyə vəziyyətinə daha mükəmməl nəzarət edə bilməsi üçün əvəzolunmaz üstünlük verir. Öz biznesini genişləndirmək, vergi öhdəliklərini, xərclərini və gəlirlərini planlaşdıraraq hədəflər yaratmağa imkan yaradır. Xidmət 3 moduldan ibarətdir:
- Fəaliyyət sahəsindən, maddi texniki bazasından və insan resurslarından asılı olaraq ən uyğun ” Biznesin İdarə Olunma Modeli” qurulur və müəssisədə maliyyə-təsərrüfat hadisələrinin opertivliyi üçün “İdarəetmə Mexanizmi” yaradılır. Bu mexanizm rəhbər üçün əlavə nəzarət işlərinin, itirilən vaxtın bərpasını və əməliyyatların operativliyini nəzarətdə saxlama imkanı yaradır. Avtomatlaşdırlmış “Qeyri-Maliyyə Hesabatları” təqdim edərək gündəlik, həftəlik və aylıq tərtib edilərək biznesin dinamikliyini təmin edirik.
- Bununla yanaşı İdarəetmə uçotundan emal olunmuş məlumatların düzgün şəkildə inteqrasiya edəcəyi “Mühasibat Uçotu” qurulur və əməliyyatlar “Beynəlxalq Mühasibat Uçotu Standartları” (IAS) əsasında operativ qaydada aparılır. Hesabatlar, sənədləşmələr, müəssisə balansı və digər mühasibat yazılışlarını avtomatlaşdıraraq qüsursuz və rahat uçotun yaradılmasını təmin edirik.
- Mühasibat uçotu tam qurulduqdan sonra ”Maliyyə uçotu” qurulur və artıq “Maliyyə Nəticələri Haqqında Hesabat”, “Pul Vəsaitlərinin Hərəkəti Haqqında Hesabat”, “Balans Hesabatı” və “Kapitalda Dəyişikliklər Haqqında Hesabat”-ların aylıq tərtib olunması, davamlılığı, dinamikası və təkmilləşdirilməsi üçün mühit yaradılır.
*Xidmət tam başa çatdıqdan sonra müəssisə maliyyə rəhbərinə təhvil verilir və istəkdən asılı olaraq müqavilə ilə aylıq konsultasiya xidməti də göstərilir.
